كلمة و قالها سعد زمان

كلمة و قالها سعد زمان  ؟؟

========================

نفسى بجد اشوف الثـــــــورة ... نجحت و التحرير مليــــــــــان

طبل و زمر و رقص و مغـنــــى ... زى ما كان بنشوفوا زمــــــــان

لما فى يوم العيد بنعيـــــد ... و المتحف بنزوره كمــــــــــان

كل الناس بتحب جيرانهــــــا ... كل الناس عايشين فى أمـــــــان

مسلم قبطى حالهم حالنــــــا ... و لا سلفية و لا أخـــــــــــوان

كحك العيد كان يجمع بينــــا ... و أئمة و يا الرهبـــــــــــان

هم بدينهم و احنا بدينـــــا ... و هلالنا يحمى الصلبــــــــــان

سبعة يناير من أعيادنــــــا ... زى ما عيدنا فى رمضــــــــــان

و اللى هايدخل بينا يا ويلـه ... مش ها يكون غير الخــــــــسران

و اللى هايجى و يحكم بينـــا ... حازم شاطر أو سليمـــــــــــان

لازم يجمع شمل قلوبنــــــــا ... و يرجع مجد الأوطـــــــــــــان

او بسلامته يرحل عنـــــــــا ... و يشرف جنب الشيــــــــــــطان

اللى سرقنا و قل قيمتنـــــا ... و ا هو قاعد جوا اللومـــــــان

و اما نقول ما تحاكمــوه يالا ... بيقولوا عنده السرطــــــــــان

سرطان ايه مالسرطان جالـــنا ... و الفيروس فى الكبد كمـــــــان

ياللى كافحتوا عشان الثــورة ... يالا معايا على الميـــــــــدان

نصرخ حبه من مواجعنــــــــا ... نكتب شعر لكل زمـــــــــــــان

هو ما حدش قلبه علينـــــــا ... و الا المصرى مش انــســــــــان

ثورة و قامت  و ما فيش فايده ... كلمة و قالها سعـــــــــد زمان

ناصر العوضى

11/04/2012

حكم بتنجان

شوطة و حلت بالأوطـــــــــــان ... و احنا الشوطة طالتنا كمــــــان

ثورة و قامت بعد سنيـــــــــن ... خلعت حاكم نذل جـــــــــــــبان

حاكم ضيع أحلى سنيـــــــــــن ... علشان يرضى الأمريكــــــــــــان

و اما شبابنا هاجوا عليــــــه ... سلم نمره و قال يا لومــــــــان

بعد الثورة يا عينى عليـهــــم ... فى التحرير وسط الميـــــــــدان

شافوا الذل و خزقوا عنيهـــــم ... و اللى اتسحلت كالخـــــــــرفان

و اللى بماتش يا عينى رموهـــم ... علشان قالوا الحق زمــــــــــان

و اما هجمنا تانى عليهـــــــم ... قالوا يالا بســـــــــــرعة أوام

نقلب باب الثورة عليهــــــــم ... و الدستور راخ يبقى جنــــــــان

و نرشح كم ريس ليهـــــــــــم ... سلقى فلولى على إخـــــــــــوان

و نطلع كم عيل جابــــــــــوا ... كم توقيع و كمان نســــــــــوان

و اللى يرشح نفسه نقولـــــــه ... اهلا مرحب يا لشجعـــــــــــــان

عمك حازم طبع البوستـــــــــر ... و امه جوازهــــــــــا American

و اما جنابه عمر اترشــــــــح ... جت من سوريا مراته كمـــــــــان

هم ها يقلبوا حال الثــــــورة ... و يخلوا الحكم بتنجـــــــــــان

و احنا فهمنا خلاص اللعــــــبة ... و التحرير لسه الميــــــــــدان

ناصر العوضى

09/04/2012

يكفيك للرحمن تصبح عاشقا

=======================

من قال بات الحب فينا صادقا  ... و المرأ أضحى للمفاتن رامقــا

يا من باوهام المحبة قلبJJـه ... قد صار فى بحر المحبة غارقــا

ان لم يكن صفو الوداد طبيعـة ... لا ترج من سوق المحبة عاشـJـقا

لا ترض حبا فيه بعض مذلـــــة ... لا ترض حبا ان يكون تصدقـــــا

لا ترض قلبا للأحبة  بابـــــه ... ما كان ليلا أو نهارا مغلقـــا

متقلبا نحو القلــــوب بمكره ... و لسانه بالعشق جاء تشدقــــا

ما كان ثوبا للعفـــاف رداؤه ... ما كان الا للمودة سارقــــــا

لا خير فى ود يجيئ تكلفـــــا ... لا خير فى قلب يهيم منافقــــا

لا خير ان كان الحبيب جوارنـا ... و فؤاده عنا أراه مفارقـــــا

ما سال دمع العين يوما للهوى ... الا و يوم الدين كان الحــارقا

ما فاز إلا من يكون فــــؤاده ... فى حب بيت الله دوما عالقــــــا

من كان بالرحمن يؤمن قلبـــه ... و رسول رب العالمين مصدقــــا

فالعشق للرحمن ليس كمثلــــه ... يكفيك للرحمن تصبح عاشقـــــا

ناصر العوضى

09/04/2012