ما تسيبوا أحمد ويا جرجس يلعبـــــوا
و يبوسوا ايد الشيخ و ابونا يطيبـوا
و ان كان على الأديان ها نعبد ربنــا
و الكل عبد الله و ايه هايعيـــــــبه
لو كان جوزيف فرط فى شبر بارضـــــنا
من حق كل الشعب يلعن مذهبــــــــه
أو كان محمد مره أهدر دمـــــــــنا
يبقى احنا اول ناس ها نيجى نعيبــه
الأرض أرض الله و ديننا لربــــــــنا
و الحر مش بالفتنة يطلب مطلــــــبه
ما تقوموا بينا نحط ايدنا كلنـــــا
و نشد مدفع ع العدو و نضربـــــــه
و ان كان على الصلبان نشيلها كلنـا
و هلالنا و الأقباط يشيلوا يرحبـــوا
و بيوم من الأيام نحقق نصرنــــــــا
و الفجر مش هايغيب و نوصل مغربـــه
ده بكل أجراس الكنايس نبضنـــــــا
و بمولد العذرا الجميع يتحببــــــوا
و الله أكبر للصلاة بتلمنــــــــــــا
و بصوتها كان النصر هيا فاغلبــــوا
ليست هناك تعليقات:
إرسال تعليق